Aye Write: Beth Frieden – Acair san Talamh/Anchor in the Land

Seo a’ chiad leabhran bhàrdachd le Beth Frieden (a bhuannaich Duais nan Sgrìobhadairean Ùra 2021), agus a’ chiad leabhar foillsichte le Stewed Rhubarb anns a bheil Gàidhlig. Tha Beth à Aimeireaga bho thùs, is tha na dàin aice a’ siubhail thar chuantan, a’ toirt iomradh air a bhith ag imrich, air teaghlach, is air nàdar, le iongnadh is gàire.

Bho coilltean Shasainn Nuaidh gu teanamantan Ghlaschu, tha bàrdachd Beth ceangailte ris an dachaigh, a bhith na màthair, agus a sireadh àite ris a bheil i a’ buntainn. Tha i gar toirt air turas tro phoiliteags, cànain is tìr leis an leabhran dà-chànanach seo.

Tha Beth na bàrd, cleasaiche, is na màthair. Chaidh a togail anns na Stàitean Aonaichte agus rinn i imrich a dh’Alba ann an 2008, far an do dh’ionnsaich i Gàidhlig. Tha i a’ sgrìobhadh anns a’ Ghàidhlig is sa Bheurla a-nis, agus choisin i Duais nan Sgrìobhadairean Ùra bho Urras Leabhraichean na h-Alba, ann an co-bhann le Comhairle nan Leabhraichean, ann an 2021 airson a cuid bhàrdachd Gàidhlig.  

‘S e tachartas dà-chànanach a bhios seo, le leughaidhean sa Ghàidhlig agus sa Bheurla.  Bidh Meg Bateman sa chathair.  

Tiogaidean: https://www.glasgowlife.org.uk/event/1/beth-frieden-acair-san-talamh-anchor-in-the-land

Chaidh an tachartas seo a chur air dòigh le Còmhairle nan Leabhraichean.