.png)
Càirdeas 's Comain 's Eòlas
Sat, 23 Nov
|Comhairle nan Leabhraichean
Deborah Moffatt an còmhradh le Meg Bateman mun leabhar bhàrdachd ùr aice, "Càirdeas ’s Comain ’s Eòlas".
Àm is Àite
23 Nov 2024, 15:00 – 16:00
Comhairle nan Leabhraichean , 32 Mansfield St, Partick, Glasgow G11 5QP, UK
Mu dheidhinn an tachartas
Thigibh cuide ri Deborah Moffatt is i ann an còmhradh le Meg Bateman mun leabhar bhàrdachd ùr aice, "Càirdeas ’s Comain ’s Eòlas" air Seachdain Leabhraichean na h-Alba. Tha Deborah Moffatt à Vermont, anns na Stàitean, ach tha i air a bhith a’ fuireach ann an Alba bho 1982. Dh’fhoillsich i ceithir leabhraichean bhàrdachd: dà sa Bheurla, agus dà sa Ghàidhlig. B’ e an ceathramh cruinneachadh aice "Càirdeas ’s Comain ’s Eòlas", foillsichte le CLÀR am-bliadhna.
Tha "Càirdeas ’s Comain ’s Eòlas" làn chàirdeas de gach seòrsa: càirdeas, cleamhnas, ’s buinteanas. Còmhla ri càirdeas, gheibhear gaol ’s spèis, urram ’s mulad. Ach cuideachd tha an dearbh chaochladh ri fhaotainn anns na dàin: nàimhdeas, ascaoin, agus borbachd. Tha corra thachartasan eachdraidheil air an innse anns an leabhar, còmhla ri cunntasan làithreach. Chithear Lady Grange ann an Hiort, agus sgàile na comhachaig ann an Cille Choirill. Bidh fògarraich ’s imrichean ’s taistealaich a’ nochdadh cuideachd, ’s càirdeas ’s comain ’s eòlas am pailteas.
Bidh Meg Bateman, Bhàrd a’ Chomuinn Ghàidhealaich, sa chathair airson an tachartais seo.
Tha tiogaidean rim faighinn tro Eventbrite an seo. Chan eil cosgais sam bith ri phàigheadh.
Chaidh an tachartas seo a chur air dòigh le Comhairle nan Leabhraichean agus lorgar barrachd fiosrachaidh mu dheidhinn agun mu na tachartasan eile aca air;