Fèis Thatha 2024

Le taic bho Bhòrd na Gàidhlig, thèid Fèis Thatha 2024 a chumail air 16 agus 17 Samhain ann an Àrainn Choimhearsnachd Bhràghad Albainn le clàr làn de thachartasan airson a h-uile duine a mhealtainn. 

Air Disathairne, bidh sinn a’ cumail bùthan-obrach ann an iomain, dannsa-ceum agus taghadh mòr de dh’ ionnstramaidean airson luchd-tòiseachaidh agus cluicheadairean bho P4 gu AS6. Airson P1 gu P3, bidh Fèis Bheag a’ ruith fad an latha le measgachadh de seiseanan ciùil is ealain. 

Bidh cròileagain an-asgaidh ann cuideachd do chlann suas gu aois 5 agus gnìomhan gus na h-inbhich a chumail trang agus cuideachd cuairt nàdair le Calum MacIlleathain air BBC ALBA!

Cha bhiodh deireadh-seachdain Fèis sam bith deiseil às aonais ar Cèilidh Teaghlaich! Thigibh gu Talla Baile Obar Pheallaidh bho 6.30f le ceòl bho luchd-teagaisg Fèis Thatha.

 Air Didòmhnaich (17mh Samhain) bidh Seisean air a chumail ann an Glen Lyon Coffee a bhios fosgailte dhan a h-uile duine pàirt a ghabhail agus puirt a chluich còmhla - tha fàilte air a h-uile aois is comas. 

Barrachd fios - https://www.feisthatha.com/ 

• Facebook

• Instagram