Na Bàird: Niall O'Gallagher & Rody Gorman

Thig airson feasgar de bhàrdachd le Niall O'Gallagher, Bàrd a' Chomuinn Ghàidhealaich 2023, agus Rody Gorman, Bàrd a' Chomuinn 2021 - 2022, mar phàirt de Sheachdain Leabhraichean na h-Alba. Leughaidh is bruidhnidh Niall is Rody mun bhàrdachd aca agus mar a chaidh am bàrdachd sin eadar-theangachadh gu cànanan eile.

Tha Niall O'Gallagher ainmeil mar bhàrd is neach-naidheachd. Bhuanaich e Duais nan Sgrìobhadairean Ùra bho Urras Leabhraichean na h-Alba ann an 2010, agus bhon uair sin tha e air ceithir cruinneachaidhean bàrdachd fhoillseachadh, le Fuaimean Gràidh (Foillsichearan Francis Boutle, 2023) a bha air gèarr-liosta Duais Ruaraidh MhicThòmais airson an Leabhar Bàrdachd as Fhèarr aig Na Duaisean Litreachais 2023 nam measg. Bha e air ainmeachadh mar Bhàrd a' Chomuinn Ghàidhealaich aig a' Mhòd Nàiseanta Rìoghail ann am Pàislig 2023. 

'S ann à Baile Àtha Cliath a tha Rody Gorman o thùs, ach tha e a-nis a' fuireach san Eilean Sgiathanach a-nis. Tha e air grunn chruinneachaidhean bàrdachd fhoillseachadh agus bha e na dheasaiche Gàidhlig aig Northwords Now airson iomadh bliadhna. Ann an 2021 bhuannaich e Crùn a' Bhàird aig a' Chomunn Ghàidhealach aig a' Mhòd Nàiseanta Rìoghail ann an Inbhir Nis. Bha an leabhar as ùire aige, Lorg Eile / Final Call (Foillsichearan Francis Boutle, 2022) air a' gheàrr-liosta airson Duais Ruaraidh MhicThòmais 2023.

Faodar an tachartas seo a frithealadh an-asgaidh. 

Tha tiogaidean rim faotainn air Eventbrite.